Esperanto-Asocio de Rumanio (EAR) estas senprofitcela asocio, laŭleĝe fondita en 1998 kaj havas la sidejon en la urbo Timișoara.
EAR estas aligita al la Universala Esperanto-Asocio (UEA), kun la sidejo en Roterdamo, kaj al Eŭropa Esperanto-Unio (EEU), kun sidejo en Bruselo.
La celoj de EAR estas :
– la konigo kaj disvastigo de la lingvo Esperanto en Rumanion kaj la antaŭenigo de ĝia uzado, kiel internacia komunikado;
– la disvastigo, per la lingvo Esperanto, de la spiritaj kaj materiaj atingoj de la rumana popolo;
– la subteno de ĝiaj membroj en altigo de la nivelo de lingvokonoj de Esperanto kaj en ĝia praktika uzado.
Atingoj de EAR:
1. Esperanto-lingvaj kursoj en:
– Timisoara: Okcidenta Universitato, Universitato de Medicino, Politeknika Universitato, Populara Universitato, mezlernejoj kaj gimnazioj, loka televido, radio; e
– Gherla, Bixad, Tăuţii Măgherăuș, ktp.
2. Kursoj de esperanto je internacia nivelo;
3. Eldono de vortaroj kaj Esperanto-lingvaj kursoj ;
4. Eldono de dulingva libro Eminescu en Esperanto, okaze de la Eminescu-jaro, redaktita de Prof-o D-ro C. Dominte (Universitato de Bukureŝto), kun antaŭparolo de Akademiano Eugen Simion, tiutempe la prezidanto de la Rumana Akademio;
5. Eldono de la revuo ES-TO, la oficiala organo de EAR, dum 13 jaroj;
6. Tradukoj de rumana literaturo en Esperanton kaj tradukoj el Esperanto al la rumana;
7. Artikoloj pri Esperanto en la loka, nacia kaj internacia gazetaro: la revuoj Coloana Infinitului (Kolumno de la infinito), Anotimpuri literare (Literaturaj sezonoj) (Timişoara), Floare de Colţ (Edelvejso) (Vatra Dornei), Esperanto (la oficiala organo de UEA), IPR (la oficiala organo de la Internacia Ligo de Esperantistaj Instruistoj), La Ondo de Esperanto (Rusio), ES-TO, Franca Esperantisto, Mesagerul de Covasna, Gherlainfo, ktp
8. intervjuoj en radio Timisoara, Bukureŝto, Vieno kaj Parizo, TVR, loka TV Timisoara, TV Parizo, Hanojo kaj Ĉinio;
9. Partopreno en internaciaj projektoj:
• EUROSCOLA 2001, 30 olimpikaj gelernantoj el Timișoara partoprenis aranĝon en la Eŭropa Parlamento en Strasburgo, kune kun samaĝuloj el EU-landoj;
• Interkulturo, projekto je tutmonda skalo ;
• MIREGE, Baugé (Francio),
• Komenius (kune kun Bulgario, Italio, Germanio kaj Litovio).
10. Partopreno de rumanaj esperantistoj en internaciaj kongresoj kaj konferencoj;
11. Rumanaj esperantistoj okupis postenojn en la estraroj de la ĉefaj esperantistaj organizaĵoj;
12. AER organizas ĉiujare, ekde 1990, naciajn kaj internaciajn simpoziojn, konferencojn kaj kolokvojn, plejparte en Timișoara, sed ankaŭ en aliaj E-centroj en la lando.
13. Kunlaboroj kun Esperantistaj organizoj el aliaj landoj, EAR partoprenas la Balkan-Danuban laborgrupon
